Amelia, Annike un Elif leest Platt in´t Ohnsorg-Theater 20. Juni 2023

De plattdüütsch Spraak is en uroolt Kulturgoot, un dat mööt wi plegen. Plattdüütsch schall leven un mutt höört un snackt warrn. Amelia vun de föffte Klass, Annike vun de söste und Elif vun de achte Klass snackt villicht nich so goot Platt, aver lesen köönt se dat bannig goot.

An’n Sünndag, den 18. Junimaand, güng dat in’t Ohnsorg-Theater to’n 21. Mal dor üm, bi den Leeswettstriet „Jungs un Deerns leest Platt“ de besten Lesers ut ganz Hamborg ruttofinnen. Up de grote Bühn, vör noch grötter Publikum un en hoochkarätig Jury hebbt de drei Kinners vun uns School, de leest hebbt, gode Nerven wiest un jüm ehr Texten as de Profis vördragen.

Düsse Veranstaltung to’n Afsluss, de jümmers goot besöcht is un goot bi dat Publikum ankummt, hett Sandra Keck musikalisch ümrahmt un ok modereert.

Vun 29 Scholen sünd 42 Schoolsiegers (Jungs un Deerns) mellt worden, un 16 dorvun hebbt na en Twüschenentscheed in’t Ohnsorg-Theater mitmaken dröfft, wo in enkelte Öllersgruppen de besten Hamborger Plattlesers küürt worden sünd.

En Smustern kunn een sik nich verkniepen, as Elif mit veel Körperinsatz un deftige Slääg up dat Lesepult dorstell, dat een Mügg, nich grötter as en Muuskötel, en Minsch so kujoneern kann dat he op Jagd gohn muss.

Annike hett mit veel Hartbloot verklort, dat Striet ünner Noversche oft nich goot utgeiht un Amelia hett dat Maarken „De Prinzessin op de Arf“ so wunnerbar vorleest, dat jeedeen klar worden is, dat so en echte Prinzessin wohl eher en beten dösig is.

Amelia und Elif hebt in er Altersklass verdeent wunnen! Hartlichen Glückwunsch!

Platt is cool!

Ina Müller singt op Platt,

Yared Dibaba talkt op Platt –

Jungs un Deerns leest Platt – am Immanuel-Kant-Gymnasium sogar besonders eifrig. In diesem Jahr schafften es gleich drei Schülerinnen unserer Schule in den Endausscheid des plattdeutschen Leswettbewerbs „Jungs un Deerns leest Platt“ im Ohnsorg-Theater.

Eine besondere Leistung!

Annike H. (6b), Amelia B. (5c) und Elif K. (8b) lasen am letzten Sonntag, dem 18.6., auf großer Bühne vor fast vollem Haus mit so viel Spaß und Können ihre Geschichten, dass am Ende der Veranstaltung Elif und Amelia als Landessiegerinnen in der jeweiligen Altersgruppe gekürt wurden. Herzlichen Glückwunsch!!!!

(A.Hoyer)